လမ်းဘေး မီးတိုင်

လမ်းဘေး ဓာတ်မီးတိုင်
မယိုင် မလဲသရွေ့
ညအမှောင်ကို ပယ်လျက်
လမ်း အလင်းကို ဆောင်လျက်
အန္တရာယ်ကို ကင်းစေလျက်
ခရီးသွားကို ထောက်ပံ့လျက်
ကြံ့ခိုင်စွာ
တည်ကြည်စွာ
ကျေပွန်စွာ
ဆောင်မြဲတိုင်းသာ
နွေမှာ လည်းကောင်း၊
မိုးမှာ လည်းကောင်း၊
ဆောင်းမှာ လည်းကောင်း၊
အတောင်း အဆို မရှိ၊
အလစ် အဟင်း မရှိ၊
အတွန့် အတို မရှိ၊
အငြူ အစူ မရှိ၊
အပိတ် အပင် မရှိ၊
မဆုတ် မနစ်
ရပ်တည် ထွန်းပ ခဲ့ပါသည်။
ထိုဓာတ်တိုင် ဆီမီးကို
အရှိထား၍ ခရီးသွားသူသည်
ဓာတ်တိုင်ကိုမူ
ဂရုမထား
ပန်းတိုင်ကိုသာ
အာရုံထား၍
သွားလာ ခေါက်တုံ့ ရှိလင့်ကစား
ဓာတ်တိုင် ကျေးဇူးကို
အထူး မသိ၊
ရှိ မရှိ ပင်
သတိ မမူ
လျစ်လျူ ရှုနိုင် ကြပါဘိ။
မီးတိုင်ငယ်ကို
ပညာ ပွားရာ အမှတ် သညာဟု
သိတတ်သူကား
ပါရမီ စခန်း
ပညာ လမ်းသွား
ထိုယောက်ျားတည့်။
မြင်လျှင် မြင်ချင်း
သတင်း သီလ စရဏ၏
ထွန်းပ အရောင်
တန်ဆောင် ဆီမီး
ကျေးဇူးကြီးပုံ
အလုံးစုံကို
ခြုံငုံ သိမြင် ပါဘိတော့။